Markaziy Bank xodimlarni boshqarish siyosatining asosiy yo‘nalishlari
Xodimlarni boshqarish siyosatining asosiy vazifalari quyidagi samarali tizimlarni yaratishdan iborat:
- Vakant lavozimlarga munosib nomzodlarni tanlash;
- Yoshlik xodimlarni qo‘llab-quvvatlash;
- Kadrlar zaxirasini shakllantirish;
- Xodimlarni o‘qitish va rivojlantirish;
- Korporativ qadriyatlarni rivojlantirish;
Vakant lavozimlarga munosib nomzodlarni tanlash.
Vakant lavozimga nomzodlar tanlov asosida saralab olinadi. Tanlov O‘zbekiston Respublikasi Markaziy banki Axborotlashtirish Bosh markazi davlat unitar korxonasi (keyingi o’rinlarda ABM) markaziy apparati va hududiy bosh boshqarmalaridagi mavjud vakant lavozimlarni munosib nomzodlar bilan butlash maqsadida o‘tkaziladi.
Tanlovni tashkil etishda shaffoflikni ta'minlash maqsadida test-sinovlari zamonaviy axborot texnologiyalaridan foydalanilgan holda amalga oshiriladi.
Shaffoflik tamoyili:
- Vakant lavozimlar haqidagi ma'lumotlarni ABMning veb-saytida va boshqa ijtimoiy tarmoqlarida ochiq joylashtirish;
- Tanlovning dastlabki bosqichini axborot texnologiyalaridan foydalanilgan holda inson omilini qisqartirish orqali amalga oshirish;
- Nomzodlar bilan suhbat o‘tkazish maqsadida Ekspert guruhini tuzish;
- Nomzodlarga tanlov natijalarini ma'lum qilish orqali ta'minlanadi.
Yosh xodimlarni qo‘llab-quvvatlash.
ABMga yangi ishga qabul qilingan xodimlarni moslashtirish bo‘yicha sezilarli ishlar amalga oshirildi. Mazkur jarayon malakali mutaxassislar tomonidan olib borilib, yoshlarning ish o‘rinlariga tezroq moslashib, jamoaviy ishlash ko‘nikmalarining shakllanishiga imkoniyatlarni bermoqda. Qayd etishimiz lozim, mazkur jarayonlarni tizimga tatbiq etishda yuqori turuvchi organlar tajribasi va xalqaro ekspertlarning fikr va takliflaridan keng foydalanilmoqda.
Kadrlar zaxirasini shakllantirish.
Zaxira tarkibidagi xodimlarni rivojlantirishga, ularning yetakchi xorijiy universitetlarda ta’lim olishlariga va xalqaro institutlarda malakalarini oshirishga, shuningdek, yirik anjuman va xalqaro uchrashuvlarda munosib ishtirok etishiga alohida e’tibor qaratiladi.
Xodimlarni o‘qitish va rivojlantirish.
ABM xodimlarini tayyorlash, qayta tayyorlash, malakasini oshirish bo‘yicha uzluksiz tizim yaratilgan bo‘lib, u o‘z ichiga chet el xalqaro tashkilotlari va boshqa tashkilotlar tomonidan tashkil etilayotgan seminar, o‘quv kurslari, treninglar, xalqaro anjumanlar, stajirovka va xorijiy xizmat safarlarini qamrab oladi.
Korporativ qadriyatlarni rivojlantirish.
ABM xodimlari o‘rtasida korporativ madaniyatni yana-da oshirish o‘zaro do‘stlik hamda jamoa ishlarida faol bo‘lishni targ‘ib etish maqsadida ular o‘rtasida sport musobaqalari, yurtdimizning diqqatga sazovor maskanlari, tarixiy obidalari, teatr va san’at maskanlari hamda muzeylarga jamoaviy tashriflar doimiy o‘tqazilib kelinishi yo‘lga qo‘yilgan.
