2 mart kuni Markaziy bankda Xalqaro moliya korporatsiyasi missiyasi bilan uchrashuv o‘tkazildi. Unda naqd pulsiz to‘lovlar hamda ularni tartibga solish, shuningdek, elektron pullar emitentlarini nazorat qilish tizimini rivojlantirish masalalari muhokama etildi.
XMK vakillari O‘zbekistonda to‘lov tizimining zamonaviy standartlarini joriy etishda, fintex kompaniyalarining mahalliy bozorga kirishlarini erkinlashtirish borasida texnik yordam ko‘rsatishga tayyor ekanliklarini bildirishdi.
Bundan tashqari, Markaziy bankning tegishli departamentlari va XMK vakillarining moliyaviy xizmatlar iste’molchilarini masofadan turib identifikatsiya qilish, mamlakatdagi to‘lov tizimi holati, bank kartalari orqali to‘lovlarni amalga oshirish tizimi va amaldagi to‘lov tizimida xizmatlar turini kengaytirish masalalarida amaliy uchrashuvlari bo‘lib o‘tdi.
Ўзбекча: Тўлов тизимида замонавий технологияларни жорий этиш масалалари муҳокама этилди
На русском: Обсуждены вопросы внедрения современных технологий в платежной системе
