Кузнинг илиқ ва қулай кунларидан фойдаланиб, Ахборотлаштириш Бош маркази ходимлари томонидан ободонлаштириш ишлари амалга оширилди. Ташаббус доирасида АБМ биносидаги яшил бурчак янгиланди — тувакдаги гуллар алмаштирилди, манзарали ўсимликлар билан жой янада чирой очди.
Табиатни асраш, экологик мувозанатни қўллаб-қувватлаш ва тоза ҳаво муҳитини яратиш — АБМ жамоасининг устувор қадриятларидан биридир. Ходимлар биргаликда меҳнат қилиб, нафақат иш жойини обод қилдилар, балки жамоавий руҳни мустаҳкамлаб, ўзаро ҳамкорлик ва бирдамликни янада кучайтирдилар.
Яшил бурчак эса қишнинг совуқ кунларида ходимларга табиатнинг илиқ нафасини эслатади, кайфиятни кўтаради ва иш муҳитига қувонч олиб киради.
O’zbekcha: ABMda kuzgi obodonlashtirish tashabbusi
На русском: Осенняя инициатива по благоустройству в ГЦИ
In english: Autumn Beautification Initiative at MCI
